विद्यालय शिक्षा क्षेत्र योजना (SESP) कार्यान्वयनको लागि नेपाल नगरपालिका संघ र शिक्षा, विज्ञान तथा प्रविधि मन्त्रालय, शिक्षा तथा मानव श्रोत विकास केन्द्र सानोठिमी भक्तपुर बिच समझदारी पत्रमा हस्ताक्षरसमझदारी पत्रमा हस्ताक्षर

विद्यालय शिक्षा क्षेत्र योजना (SESP) कार्यान्वयनको लागि सहजीकरण” कार्यक्रम सञ्चालन गर्नको लागि नेपाल नगरपालिका संघ र शिक्षा, विज्ञान तथा प्रविधि मन्त्रालय, शिक्षा तथा मानव श्रोत विकास केन्द्र सानोठिमी भक्तपुर बिच समझदारी पत्रमा हस्ताक्षर सम्पन्न भएको छ । २०८२ बैशाख २१ गते मानव श्रोत विकास केन्द्रका उप महानिर्देशक महेन्द्र पराजुली र संघका कार्यकारी निर्देशक कलानिधि देवकोटा लगायतका प्रतिनिधिहरुको उपस्थितिमा बागमती, गण्डकी लुम्बिनी प्रदेशमा १ दिने अन्तरक्रिया कार्यक्रम सञ्चालन गर्ने उद्देश्यले समझदारी पत्रमा हस्ताक्षर भएको हो । विद्यालय शिक्षा क्षेत्र योजना (SESP) को प्रभावकारी कार्यान्वयनका लागि स्थानीय सरकार एवं सरोकारवाला निकायवीच समन्वय र सहकार्य अभिबृद्धि गर्नका लागि सहजीकरण गर्ने उद्देश्यले संघ र मानव स्रोत विकास केन्द्रको सहकार्यमा अन्तरक्रिया कार्यक्रम सञ्चालन गर्ने सहमती भएको छ भने कार्यक्रममा प्रदेश अन्तर्गतका शिक्षा सामाजिक विकास मन्त्रालय, शिक्षा विकास निर्देशनालयका प्रतिनिधि, नगरपालिका प्रमुख/उपप्रमुख, शिक्षा शाखा प्रमुख, नगर शिक्षा समिति सदस्य ,विद्यालय व्यवस्थापन समिति, विद्यालयका प्रधानध्यापक र शिक्षा विकास समन्वय इकाईका प्रतिनिधिहरु लगायतको सहभागिता रहनेछ ।