नेपाल नगरपालिका संघको आयोजना तथा शिक्षा तथा मानव श्रोत विकास केन्द्रको आर्थिक सहयोगमा गरिएको प्रदेशस्तरिय विद्यालय शिक्षा क्षेत्र योजना (SESP) कार्यन्वयनका लागि सहजीकरण सम्बन्धि अन्तरक्रिया कार्यक्रम मिती २०८३/०१/२८ गते कर्णाली प्रदेश सुर्खेत, बिरेन्द्रनगरमा सम्पन्न भएको छ । नेपाल नगरपालिका संघका कर्णाली प्रदेश संयोजक श्री हस्त पुनको अध्यक्षता र सामाजिक विकास मन्त्रालयका मन्त्रि मा. घन श्याम भण्डारीज्यूको प्रमुख आतिथ्यतामा भयको कार्यक्रममा १७ नगरपालिकाहरुको सहभागिता रहेको थियो । कार्यक्रममा नगर प्रमुख/ उपप्रमुख, वडाध्यक्ष, नगर शिक्षा समिति सदस्य, नगर शिक्षा शाखाका प्रमुख, विद्यालयका प्राध्यापक, विद्यालय व्यवस्थापन समिति र अभिभावक शिक्षक संघका प्रतिनिधिहरु गरी ४९ जनाको सहभागिता रहेको थियो । सो कार्यक्रमा मानव श्रोत विकास केन्द्रका निर्देशक र सामाजिक विकास मन्त्रालय कर्णाली प्रदेशको शीक्षा शाखाका प्रमुखले कार्यपत्र प्रस्तुत गर्नुभएको थियो भने सो उपर सहभागिहरु बीच छलफल भै राय सुझाव प्राप्त भएको थियो ।
